O‘zbekistonda o‘zini o‘zi band qilgan fuqarolar soni 4,4 mlnga yetdi

2025-yil 1-yanvar holatiga O‘zbekistonda o‘zini o‘zi band qilgan fuqarolar soni 4,4 mln nafarga yetdi. Xususan, ayollar 42%, erkaklar 58% ni tashkil qilmoqda. Bu natija o‘tgan yilning mos davriga nisbatan 76,5% ga yuqorilagan. Bu haqda Davlat Soliq xizmati ma’lum qildi. 

O‘zini o‘zi band qilgan fuqarolarning 1,9 mln nafari (yilllik o‘sish 104,3%) maishiy xizmatlar ko‘rsatish sohasida faoliyat olib bormoqda. Shuningdek:

• Xalq iste’moli mollari ishlab chiqarish va xizmatlar ko‘rsatish sohasida — 417,8 ming (yilllik o‘sish 94,6%).
• Axborot-kommunikatsiya yo‘nalishidagi xizmatlarda — 119,7 ming (yilllik o‘sish 87%).
• Ijtimoiy yo‘nalishdagi xizmatlarda — 496,9 ming (yilllik o‘sish 55,9%).
• Qishloq xo‘jaligi yo‘nalishidagi xizmatlar — 1,1 mln (yilllik o‘sish 53,6%).
• Sanoat yo‘nalishidagi xizmatlar — 418,9 ming (yilllik o‘sish 49,6%).

Shuningdek, yengil avtotransportda yo‘lovchi tashish faoliyati bo‘yicha 707,3 ming nafar fuqaro ro‘yxatdan o‘tgan. Shundan, 450,5 ming nafari 2024-yilda ro‘yxatdan o‘tgan.

Hududlar kesimida o‘zini o‘zi band qilgan fuqarolar asosan Samarqand viloyati (508,1 ming), Toshkent viloyati (447,2 ming), Qashqadaryo viloyati (442,5 ming) hissasiga to‘g’ri kelmoqda. 

Qolgan viloyatlar raqamlar quyidagicha:

• Namangan viloyati — 398,6 ming nafar;
• Farg‘ona viloyati — 397,8 ming nafar;
• Andijon viloyati — 394,9 ming nafar;
• Toshkent shahri — 392,7 ming nafar;
• Surxondaryo viloyati — 342,6 ming nafar;
• Buxoro viloyati — 255,8 ming nafar;
• Xorazm viloyati — 239,6 ming nafar;
• Qoraqalpog‘iston Respublikasi — 211,2 ming nafar;
• Jizzax viloyati — 190,3 ming nafar;
• Navoiy viloyati — 173,2 ming nafar;
• Sirdaryo viloyati — 117,8 ming nafar.