O’zbekistonning oltin-valyuta zaxiralari $40 mlrddan oshdi

Sentyabr oyida O’zbekistonning oltin-valyuta zaxiralari $1,98 mlrdga o’sib, $41,1 mlrdga yetdi. Bu haqda Markaziy bank matbuot xizmati xabar berdi.

Chet el valyutasidagi zaxiralar $8,2 mlrddan $8,7 mlrdga ko’tarildi (avgust oyida ular $7,7 mlrddan $8,2 mlrdga ko’tarildi). Oltinning hajmi o’zgarishsiz qoldi — 12 million troya unsiyasi, ammo uning qiymati deyarli $1,5 mlrdga oshdi va $31,9 mlrdni tashkil etdi.

Eslatib o’tamiz, 1 sentabr holatiga O’zbekistonning oltin-valyuta zaxiralari oyiga $1,7 mlrdga oshib, $39,15 mlrdni tashkil etgan edi.