Misrda o’zbek tovarlarini taqsimlash markazi ochiladi

Misrda tovarlarni tarqatish markazi va mahsulot savdo uyi ochiladi. Bu haqda «Dunyo» xabar bermoqda.

Bu haqda bitim joriy yilning 2 iyun kuni O’zbekiston savdo-sanoat palatasi rahbarlari va Misrning «Al-Nasr eksport-import» kompaniyasi tomonidan imzolangan. 

Tomonlar o’zbek tovarlari uchun bir yoki bir nechta savdo uylarini ochish, shuningdek, Misrda, xususan Port-Said va boshqa mintaqalarda tarqatish markazi va ishlab chiqarish kooperatsiyasini tashkil etish orqali o’zaro savdoni rivojlantirishni rejalashtirmoqdalar.

Ushbu savdo-tarqatish markazlari yordamida tomonlar O’zbekistonda ishlab chiqarilgan mahsulotlarni Yevropa, yaqin Sharq va Afrika mamlakatlariga eksport qilish niyatida. 

O’zbekiston savdo-sanoat palatasi delegatsiyalari yaqin kelajakda Misrga amaliy tashrif bilan tashrif buyurishni rejalashtirmoqda, «Port-Said» erkin iqtisodiy zonasida esa kompaniyamiz uchun alohida platforma ajratiladi.