DABA «O’zagrosug’urta» kompaniyasining davlat ulushlarini xususiylashtirish bo’yicha konsultant qidirmoqda

Korxonadagi davlat ulushining 99,3% sotuvga qo'yiladi

Davlat aktivlarini boshqarish agentligi (DABA) «O’zagrosug’urta» kompaniyasining 99,3% ulushini xususiylashtirish bo’yicha xalqaro tajribaga ega bo’lgan konsalting kompaniyasini qidirmoqda. Bu haqda agentlik matbuot xizmati xabar bermoqda.

Manfaatdor talabnoma beruvchilar 2024-yil 22-iyul, Toshkent vaqti bilan soat 18:00 gacha taklif so’rovlari bo’yicha o’z takliflarini taqdim etishlari mumkin.

«O’zagrosugurta» yuridik va jismoniy shaxslarga umumiy sug’urta qilishning barcha 17 klassi bo’yicha 100 dan ortiq turdagi sug’urta xizmatlarini ko’rsatadi. Kompaniyaning ustav fondi 108,9 mlrd so’mni tashkil etadi.