O’zbekiston ketma-ket ikkinchi oy oltin xarid qilish bo’yicha yetakchi bo’ldi

Iyul oyida jahon Markaziy banklari oltin zaxiralarini 37,1 tonnaga oshirdi. Bu haqda “World Gold Council” xabar bermoqda.

Eng yirik xaridor Polsha bo’ldi — 14,3 tonna. Ikkinchi o’rinda O’zbekiston — 9,6 tonna, uchinchi o’rinda Hindiston — 5,4 tonna. Bundan tashqari, Iordaniya o’z zaxiralarini to’ldirdi — 4,3 tonna, Turkiya — 3,8 tonna, Qatar — 2,3 tonna va Chexiya — 1,6 tonna. Shu bilan birga, Qozog’iston va Mo’g’uliston mos ravishda 3,9 va 0,7 tonna oltinni sotdilar.

Hisobotda ta’kidlanishicha, Markaziy banklar oltin narxining yangi cho’qqilarga ko’tarilishi natijasida yuzaga kelgan umumiy talabning sovishiga qaramay, so’nggi oylarda oltinni faol ravishda to’plashda davom etmoqda.

Eslatib o’tamiz, O’zbekiston Markaziy banki iyun oyida oltinning asosiy xaridorlaridan biriga aylandi.