O‘zbekistonning oltin-valyuta zaxiralari tarixiy maksimumni yangiladi

O‘zbekiston oltin-valyuta zaxiralari 1-dekabr holatiga ko‘ra $61,23 mlrdga yetdi, deyiladi Markaziy bank ma’lumotlarida. Bu 2013-yildan beri eng yuqori ko‘rsatkich.

Noyabr oyida zaxiralar yana $1,9 mlrdga (+3,2%) o‘sdi, yil boshidan esa ular $20 mlrdga (+48,7%) oshdi.

Jahon bozorlarida qimmatlashgan oltin yana o‘sishning asosiy omili bo‘ldi. MB ma’lumotlariga ko‘ra, narxlarning bir unsiya uchun $4013,2 dan $4159,4 ga (+3,6%) oshishi zaxiralarga taxminan $1,8 mlrd qo‘shgan (sentabrda — $4,6 mlrd, oktabrda — $2,5 mlrd).

Oltinning fizik hajmi ketma-ket ikkinchi oy oshdi. Noyabrda u 310 ming troy unsiyaga (9,64 tonna) oshib, 12,23 mln unsiyaga (380,4 tonna) yetdi. Shunga qaramay, yil boshidan beri oltin zaxiralari taxminan 2,1 tonnaga kamaydi.

Oltin zaxiralarining qiymati narxlarning oshishi fonida $3 mlrdga oshib, tarixiy maksimal — $50,86 mlrdga yetdi. Hozirda oltin barcha zaxiralarning taxminan 83% ni tashkil qiladi.

Shu bilan birga, zaxiralarning valyuta qismi $1,1 mlrdga kamayib, $9,8 mlrdni qiymatida baholangan. Qimmatli qog‘ozlar hajmi $503,3 mlnga oshib, $1,53 mlrdga yetdi.