O’zbekistonning oltin-valyuta zaxiralari qariyb $300 mlnga kamaydi

1 iyul holatiga O’zbekistonning rasmiy zaxira aktivlari $36,34 mlrdni tashkil etdi va iyun oyida $293,7 mlnga kamaydi. Bu haqda Markaziy bank xabar bermoqda.

Chet el valyutasidagi zaxiralar $796,9 mlnga, $9,27 mlrddan $8,47 mlrdga kamaydi. 2019 yilda chiqarilgan $500 mlnlik evro obligatsiyalar qarzini to’lash tufayli yilning birinchi yarmida valyuta zaxiralari deyarli $900 mlnga kamaydi.

Zaxiradagi oltinning jismoniy hajmi 300 ming untsiyaga (9,33 tonna) oshdi va 11,74 mln untsiyaga (365,15 tonna) yetdi. Oltin zaxirasi qiymati $506,58 mlnga ko’tarilib, $27,32 mlrdga yetdi, garchi oltin narxi $2350 dan $2325 gacha kamaygan bo’lsa ham.

May oyida zaxiralarda birinchi marta $35 mlnlik qimmatli qog’ozlar paydo bo’ldi. Iyun oyida ularning miqdori $35,1 mlnga ko’tarildi, bu zaxiralarni diversifikatsiya qilish va xorijiy mamlakatlarning davlat obligatsiyalarini sotib olish bilan bog’liq.