Besh grammlik oltin quymalarning narxi rekord darajadagi 4,6 mln so’mga yetdi

29 mart kuni besh grammlik oltin quymalarning narxi birinchi marta 4,6 mln so’mdan oshdi. Bu haqda Markaziy bank xabar beradi.

Shuningdek, respublikada o’n grammlik oltin quymalarning qiymati 9,3 mln so’mgacha oshdi, bu avvalgi kunga nisbatan 200 ming so’mga ko’pdir. Og’irligi 50 gramm bo’lgan quymalarning narxi 45,7 milliondan 46,6 million so’mgacha oshdi.

Bundan tashqari, soat 12:45 ga kelib, oltinning troya unsiyasi narxi $2,2 mingni tashkil etdi, bu avvalgi kunga nisbatan 1,16%ga oshgan..