Oltin narxi dekabr oyidan beri ilk bor $2,7 mingdan oshdi

2024-yil 13-dekabrdan beri ilk bor jahon bozorida oltin narxi $2,7 mingdan oshdi. Bu haqda TASS Comex savdo birjasiga tayanib xabar bermoqda.  

O‘sish Toshkent vaqti bilan soat 10:44 da kuzatilgan. Biroq, soat 11:05 ga kelib, narx ko‘tarilish sur’atini pasaytirib, $2,699 ga tushdi.  

Mutaxassislarning ta’kidlashicha, 2025-yilda oltin narxi $3 mingga yetishi mumkin.

Avvalroq O‘zbekiston 2024-yilda dunyoning eng yirik oltin xaridorlari orasida yetakchi bo‘lgani haqida xabar berilgandi.