Olmaliq KMK nemis banklaridan 146 mln yevro oladi

Joriy yilning 16 sentabr kuni Germaniya federal kansleri Olaf Sholts O’zbekistonga rasmiy tashrif buyurdi. Bu haqda Olmaliq kon-metallurgiya kombinati matbuot xizmati xabar bermoqda.

Tashrif doirasida Samarqandda O’zbekiston va Germaniya ishbilarmon doiralari vakillari hamda Olmaliq KMK rahbariyati ishtirokida davra suhbati tashkil etildi.

Keyinchalik Olmaliq kon-metallurgiya kombinati va Germaniyaning “KfW IPEX Bank” va “AKA” banklari o’rtasida kredit shartnomasi imzolandi. 

Ushbu kelishuvga ko’ra, Germaniya banklari yangi mis eritish zavodi qurilishini moliyalashtirish uchun birinchi transh doirasida 146 mln yevro ajratadilar.