Koreyaning “Krafton” kompaniyasi Toshkentda ofis ochishni rejalashtirmoqda

“IT Park Uzbekistan” delegatsiyasi Seul shahrida “Krafton” rahbariyati bilan uchrashdi. Unda, «PUBG» onlayn o’yini yartuvchisi “Krafton” kompaniyasi Toshkentda ofis ochishni rejalashtirayotganini aytib o’tdi.

Kompaniya poytaxtda ofisning ochilishini mahalliy auditoriyaga oson kirishi va moliyaviy hamda strategik ustunliklarga erishishiga katta ta’sir o’tkazishini keltirib o’tdi.

Shuningdek, ofis ochishda mahalliy iqtidorli dasturchilarni jalb qilish imkoniyatlarini ko’rib chiqadi.

Bundan tashqari, uchrashuvda tomonlar 2025-yilda “GameDev” xakatonini (o‘yinlarni ishlab chiqish bo‘yicha mutaxassislar tanlovi) o‘tkazishni muhokama qilishdi.

Ma’lumot uchun, 2007-yilda asos solingan “Krafton” kompaniyasi “TERA”, “PUBG: Battlegrounds”, “New State Mobile”, “The Callisto Protocol” va “Moonbreaker” kabi video o‘yinlarning yetakchi ishlab chiqaruvchisi va nashriyotchisi sifatida tanilgan. Markaziy ofisi Seulda joylashgan va 2500 nafar xodimga ega bo‘lgan kompaniya o‘yin sanoatida yetakchi o‘rinni egallab kelmoqda.