Qirg’iziston va O’zbekiston o’rtasidagi ikkita nazorat punkti 24 soatlik ish rejimiga o’tdi

26 iyuldan boshlab O’zbekiston va Qirg’iziston chegarasida joylashgan «Farg’ona» va «oq-qiya» bojxona postlari kecha-kunduz ishlay boshladi. Bu haqda bojxona qo’mitasi matbuot xizmati xabar bermoqda.

«Dam olish uchun Shohimardonga boradigan fuqarolar istalgan vaqtda ushbu postlarni kesib o’tish imkoniyatiga ega bo’lishdi», deyiladi xabarda.

Qayd etilganidek, prezidentlar Shavkat Mirziyoyev va Sodiq Japarov 18 iyul kuni bo’lib o’tgan uchrashuvda ushbu qarorni kelishib oldilar. Ular O’zbekiston va Qirg’iziston chegarasida navbatlardan qochish uchun chegara o’tish joylarini yaxshilash, jumladan, yangi postlarni ochish va mavjud postlarni kengaytirishni muhokama qildilar.