2024-yilda “Navoiuran” davlat korxonasining ishlab chiqarish hajmi 3,7 trln so‘mni tashkil qildi

Kompaniya, shuningdek, $125,9 mln investitsiya o‘zlashtirgan

2024-yilda “Navoiuran” davlat korxonasining ishlab chiqarish hajmi yillik 128,1% o‘sish bilan 13,7 trln so‘mni tashkil qildi. Bu haqda Tog‘-kon sanoati va geologiya vazirligi ma’lum qildi.

Ma’lum qilinishicha, Mahalliylashtirish dasturi doirasida 58,7 mlrd so‘mlik mahsulot ishlab chiqarilgan, bu o‘tgan yilga nisbatan 132,1% ga yuqori hisoblanadi.

“Navoiuran” ning investitsiya o‘zlashtirish hajmi $125,9 mlnni tashkil qilib, 202,7%lik o‘sishni qayd etgan. Yil davomida 122 ta yangi ish o‘rni yaratilgan.

Xarajatlarni maqbullashtirish natijasida mahsulot tannarxini 457,2 mlrd so‘mga qisqargan.

Shuningdek, davlat byudjetiga 4,6 trln so‘m soliq to‘langan, bu kompaniyani O‘zbekistonning eng yirik 3 ta soliq to‘lovchilaridan biriga aylantirdi.