Toshkent energetika tizimi $200 mln evaziga modernizatsiya qilinadi

O‘zbekiston Prezidenti Shavkat Mirziyoyev Toshkent energetika tizimini modernizatsiya qilish loyihasini ma’qulladi. Loyiha qiymati $200 mln dan ziyod. Bu haqda poytaxt hokimi Shavkat Umurzakov “O‘zbekiston 24” telekanaliga bergan intervyusida ma’lum qildi.

Ishlar 11 avgustdan boshlanadi va shaharning bosh rejasi asosida amalga oshiriladi. Birinchi bosqichda 13 ta podstansiyadagi muammolar hal etiladi, shuningdek, yangi obyektlar quriladi va zamonaviy elektr ta’minoti tarmoqlari tortilgan bo‘ladi.

Keng ko‘lamli modernizatsiya

Prezidentga taqdim etilgan ma’lumotlarga ko‘ra, so‘nggi ikki yilda Toshkent energetika tizimini rivojlantirishga 2,8 trln so‘m yo‘naltirilgan: 36 ta podstansiya, 665 ta transformator va 2 ming kmdan ortiq tarmoqlar modernizatsiya qilindi. Shu bilan birga, 46 ta podstansiya va 207 ta transformator hali ham ortiqcha yuklama bilan ishlamoqda.

2025 yil boshidan beri iste’molchilar soni 40 mingtaga ko‘paydi, talab 6% ga o‘sdi. Iyul oyida, 20 kunlik anomal issiqlik davomida, iste’mol 900 mln kVt·soatdan oshdi.

2025–2026 yillar rejasi:

2025 yil oxirigacha: 374 km tarmoq, 11 ta podstansiya va 62 ta transformator yangilanadi.

2026 yilda: 788 km tarmoq, 35 ta podstansiya va 145 ta transformator modernizatsiya qilinadi.

Alohida e’tibor mahallalardagi transformator va tarmoqlarni ta’mirlash hamda yangisini o‘rnatishga qaratilgan. Joriy bosqichdagi barcha ishlar 1 noyabrgacha — kuz-qish mavsumi boshlanishidan oldin — yakunlanishi kerak.

Alternativ va atom energetikasi

2027 yilgacha yirik sanoat va turizm ob’yektlariga umumiy quvvati 752 MVt bo‘lgan quyosh elektr stansiyalari hamda 812 MVt energiya yig‘gichlar o‘rnatiladi.

Prezident Vazirlar Mahkamasiga energiya samaradorligi masalalarini har haftada ko‘rib chiqish va barcha obyektlarni sifatli hamda o‘z vaqtida foydalanishga topshirishni ta’minlash vazifasini yukladi.