Sackers O’zbekistonda metallarni qayta ishlashga sarmoya kiritmoqchi

Buyuk Britaniyaning Sackers kompaniyasi rangli va noyob metallarni qayta ishlash korxonasini tashkil etishga sarmoya kiritishni rejalashtirmoqda. Bu haqda «Dunyo» axborot agentligi xabar bermoqda.

Britaniyaning Sackers metallga ishlov berish kompaniyasi direktori Devid Dodds O’zbekistonning Londondagi elchixonasida bo’lib o’tgan muzokaralarda O’zbekistonda metallarni qayta ishlash va eksport qilish bo’yicha investitsiya loyihasiga tayyorligini bildirdi.

Sackers alyuminiy, mis, qo’rg’oshin, zanglamaydigan po’lat, elektronika, kabellar, simlar, metall qadoqlash va qalay qutilarini o’z ichiga olgan turli metallarni import qilish va qayta ishlashga ixtisoslashgan. Hozirgi vaqtda kompaniya har yili taxminan 16 ming tonna metallni qayta ishlaydi.