“Maroqand” va “Humans Companies” aksiyalari bilan savdolar qayta tiklandi

“Toshkent” Respublika fond birjasi “Maroqand” va “Humans Companies” aksiyalari bilan savdolarni yana tikladi.

Mazkur qaror Birja listingiga kiritilmagan qimmatli qog‘ozlar bilan savdolarni tashkil etish qoidalari, shuningdek Markaziy depozitariy hamda qimmatli qog‘ozlar bozorini tartibga soluvchi vakolatli organlarning murojaatlari asosida qabul qilindi.

Eslatib o‘tamiz, 2024-yil 10-fevraldan boshlab ushbu kompaniyalar aksiyalari bilan savdolar vaqtincha to‘xtatilgan edi. O‘shanda birja matbuot xizmatining tushuntirishicha, cheklovlar “keyingi bildirishnomalarga qadar” amal qilgan va birja savdosi qoidalarining 1687-bandi, Markaziy depozitariyning 6-fevraldagi xabarnomasi hamda LBMAning 7-fevraldagi qarorlariga asoslangan bo‘lgan.