Qishloq xo’jaligi mahsulotlarini sotish uchun platforma ishga tushirildi
Bunda aholi, fermer va dehqonchilik xo’jaliklaridan vositachilik to’lovlari olinmaydi
O’zbekistonda zamonaviy agrokomplekslar faoliyatini rivojlantirish maqsadida “Uzex Agro” platformasi ishga tushirildi. Bu haqda “Norma” xabar berdi.
2025-yil 1-yanvargacha platformada mahsulot sotishda aholi, fermer va dehqonchilik xo’jaliklaridan vositachilik haqqi undirilmaydi.
Hujjatga asosan, platformaning uzluksiz ishlashini ta’minlash vazifasi “O‘zbekiston Respublika tovar-xom ashyo birjasi” qoshida tashkil etilgan “Agro Exchange” MChJga topshirildi.
Shuningdek unga qishloq xo’jaligi majmualari atrofida investitsiya loyihalarini amalga oshirish uchun qulay sharoitlar yaratish ham yuklatilgan.
Platformada qishloq xo’jaligi mahsulotlarini sotish tartibi to’g’risidagi nizom tasdiqlandi. Natijada, savdo ishtirokchilarini ro’yxatdan o’tkazish, operator va ishtirokchilar huquqiy majburiyatlari hamda e’lon joylash, auksionlar tashkil qilish ta’minlanadi.
Ushbu hujjat 8 oktyabrdan kuchga kirdi.
Moliya va biznes haqida ko'proq yangiliklar Telegram kanalda @KPTLUZ