Germaniyaning “Lufthansa” aviakompaniyasi O’zbekistonga parvozlarni davom ettirishi mumkin
20 yildan ko'proq vaqt oldin u yo'lovchilar oqimining pasayishi sababli Toshkentga parvozlarni to'xtatgan
Transport vaziri Ilhom Maxkamov Germaniyaning O’zbekistondagi elchisi Manfred Xuterer bilan uchrashuv o’tkazdi. Bu haqda vazirlik xabar bermoqda.
Uchrashuv davomida ikki mamlakat o’rtasidagi samarali hamkorlikdan kelib chiqadigan yutuqlar va kelajak rejalari muhokama qilindi.
Ilhom Maxkamov Germaniyaning “Rhenus”, “Deutsche Bahn”, “DB Engineering & Consulting”, “DB Schenker” va boshqa transport kompaniyalari bilan doimiy hamkorlikni ta’kidladi.
Bundan tashqari, u “Lufthansa”ning O’zbekistonga parvozlarini tezda tiklashga umid bildirdi. Tomonlar transport va logistika sohasidagi hamkorlikni yanada rivojlantirish masalalari yuzasidan fikr almashdilar.
Germaniyaning “Lufthansa” aviakompaniyasi birinchi marta O’zbekiston bozoriga 1993 yilda Frankfurt – Toshkent – Frankfurt yo’nalishi bo’yicha parvozlarni boshlagan. Biroq, 2001 yilda yo’lovchilar oqimi 20-25%ga kamaygani sababli Toshkentga parvozlarштш to’xtatgan.
Moliya va biznes haqida ko'proq yangiliklar Telegram kanalda @KPTLUZ