Xitoyning «Loong Air» aviakompaniyasi Samarqandga reyslarni ochmoqchi

Xitoyning «Loong Air» aviakompaniyasi iyun oyining ikkinchi yarmida Siandan Samarqandga yangi reys ochishni rejalashtirmoqda. Bu haqda «Uzbekistan Airports» matbuot xizmati xabar bermoqda.

«Uzbekistan Airports» rahbariyatining «Loong Air» vakillari bilan uchrashuvida Xitoy va O’zbekiston o’rtasidagi reyslar sonining ko’payishi va yuk tashishning kengayishi muhokama qilindi.

Shuni ta’kidlash kerakki, «Loong Air» haftasiga uch marta Chengdu — Toshkent va Sian — Toshkent yo’lovchi reyslarini muvaffaqiyatli amalga oshirmoqda.