O’zbekistonda Germaniya bilan birgalikda qo’shma korxona tashkil etiladi

Joriy yilning 29-noyabr kuni «O’ztemiryo’lkonteyner» AJ va Germaniyaning «Rhenus Group» kompaniyalari o’rtasida qo’shma korxona tashkil etish yuzasidan yig’ilish bo’lib o’tdi. Bu haqida «O’ztemiryo’lkonteyner» rasmiy sahifasida e’lon qilindi.

Yig’ilishda “O’ztemiryo‘lkonteyner” AJ boshqaruv raisi A.S. Kamalov hamda “Rhenus Group” kompaniyasining vakolatli vakili G. Kerstgens tomonidan “UzContargo Andijon” qo‘shma korxonasini tashkil etish bo‘yicha ta’sis hujjatlari va tegishli bayonnoma imzolandi.

Qo’shma korxona konteyner blok-poyezdlarini tashkil etish, vagon va konteynerlarni ortish-tushirish, saqlash ishlari, multimodal eshikdan-eshikkacha xizmatlarini ko’rsatish bilan shug’ullanishi rejalashtirilgan.

Eslatib o’tamiz, avvalroq Kapital.uz “Rhenus Group” logistika kompaniyasi Andijon viloyatida birinchi transport-logistika markazini yaratmoqchiligi haqida yozgan edi.