Litva chegarasida elektron navbat olish tizimi joriy etiladi

Litva chegarasida jamoat tartibini ta’minlash va chegara nazorat-o‘tkazish punktlarida yuk avtomobillari navbatini tartibga solish maqsadida shu yilning  1-dekabridan yangi tartib joriy etiladi. Bu haqda transport vazirligi xabar berdi.

Unga ko’ra, Litvadan Yevropa Ittifoqi tashqi chegarasi orqali chiquvchi barcha yuk transport vositalarini oldindan elektron navbatga ro‘yxatdan o‘tkazish amalga oshiriladi.

Litvaning Belarus va Rossiya bilan chegarasidagi o‘tkazish punktlariga yo‘nalgan barcha yuk tashuvchi transport vositalari chegarani kesib o‘tishda tanlangan vaqt oralig‘idagi navbatlarni boshqarish axborot tizimida oldindan band qilishlari kerak bo‘ladi.