ILMA «Universal Sug’urta» sug’urta kompaniyasining litsenziyasini bekor qildi

Litsenziyadan mahrum qilish to'g'risidagi qaror 2 apreldan kuchga kirdi

Фото: Yandex

Istiqbolli loyihalar milliy agentligi (ILMA) «Universal Sug’urta» sug’urta kompaniyasining litsenziyasini bekor qildi.

2022 yil 7-iyulda berilgan umumiy sug’urta sohasida sug’urta faoliyatini amalga oshirish uchun 031932-sonli litsenziya (1-17-sinflar) 2024 yil 2-aprelda bekor qilindi, — deyiladi xabarda.

Biroq, sug’urta kompaniyasi ilgari tuzilgan shartnomalar bo’yicha o’z majburiyatlarini bajarishi shart.

Kompaniya 1994 yil avgust oyida Adliya vazirligi tomonidan ro’yxatga olingan va uning ustav kapitali 25 mlrd so’mni tashkil etadi. 2003 yildan 2007 yilgacha kompaniya asoschilari orasida Shveysariyalik investorlar ham bor edi.

«Universal Sug’urta» 16 turdagi sug’urta, shu jumladan avtomobil va tashuvchilarni sug’urtalash bo’yicha keng ko’lamli xizmatlarni taklif etadi.