O’zbekistonda 600 km ga yaqin elektr uzatish liniyalari quriladi

O’zbekistonda 595 kilometr yangi elektr uzatish liniyalarini qurish va bir nechta yangi podstansiyalarni ishga tushirish rejalashtirilgan. Bu haqda prezident matbuot xizmati xabar bermoqda.

Shuningdek, bu yil barcha manbalar hisobidan umumiy quvvati 4 gigavatt bo’lgan elektr stansiyalarini ishga tushirish rejalashtirilgan.

Bundan tashqari, 850 kilometr magistral tarmoqlar va 9 ta podstansiya uchun ta’mirlash ishlari boshlangan.

Issiqlik stansiyalarining barqaror ishlashi uchun zarur bo’lgan yoqilg’i, butlovchi qismlar va ehtiyot qismlar zaxiralari shakllantirilmoqda.