Latviya o’zbekistonlik avtomexaniklar va haydovchilarni ishga taklif qilmoqda

O’zbekistonliklarni Latviyaga ishga taklif qilishmoqda. Bu haqda tashqi mehnat migratsiyasi agentligi xabar bermoqda.

Ochiq ish o’rinlari:

Avtomexanik:

• Ish haqi: 1000 evro.
• Talablar: 2 yillik ish tajribasi, avtoulovlarga texnik xizmat ko’rsatish bo’yicha qo’llanmalardan foydalanish qobiliyati, ehtiyot qismlar va korpuslar bilan ishlash, diagnostika uskunalarini bilish, rus yoki ingliz tillarini bilish.
• Yoshi: 25-40 yosh.

SE toifali yuk mashinasi haydovchisi:

• Ish haqi: 1100-2500 evro.
• Talablar: 1 yillik ish tajribasi, butun Evropa bo’ylab yuklarni tashishga tayyorlik, yuk tashish hujjatlari bilan ishlash qobiliyati, chip kartasining mavjudligi, rus yoki ingliz tillarini bilish.
• Yoshi: 55 yoshgacha.

Siz migratsiya agentligi veb-saytida 24 iyul soat 14:00 gacha murojaat qilishingiz mumkin.

Ish beruvchi o’qish va test sinovlari, sug’urta, hujjatlar va ish ruxsatnomalari paytida yashash xarajatlarini qoplaydi.

Nomzodlar agentlik xizmatlari, o’qitish va stajirovka, viza to’lovlari, ovqatlanish va aviachiptalarni mustaqil ravishda to’lashlari kerak.