2025-yilda Latviyada O’zbekiston kompaniyalariga 2 ta yirik ombor quriladi

“O‘zcharmsanoat” uyushmasi hamda O‘zbekiston-Latviya savdo palatasi o‘rtasida hamkorlik memorandumi imzolandi. Bu haqda uyushmaning rasmiy sahifasida xabar qilindi.

Unga ko’ra, 2025-yil boshida Latviyaning Riga va Liepaya shaharlarida ikkita yirik omborxona faoliyatini boshlaydi. Har bir omborning maydoni 2000 kvadrat metrni tashkil etib, O‘zbekiston kompaniyalari ushbu omborlardan to‘lovlarsiz foydalanadi. 

Shuningdek, O‘zbekiston mahsulotlarining Latviyaga yetkazib berilishi Skandinaviya va Boltiqbo‘yi davlatlariga eksport qilish imkoniyatlarini kengaytirishi haqida muhokama qilindi.