O‘zbekistonda jismoniy shaxslar uchun kreditlar bo‘yicha o‘rtacha stavka oshdi 

Noyabr oyidagi natijalarga ko‘ra, O‘zbekiston banklarida jismoniy shaxslarga beriladigan kreditlar bo‘yicha o‘rtacha stavkalar yillik 24,3% gacha oshdi. Bu haqida Markaziy bank xabar berdi. 

Bu ko‘rsatkichni sentabr oyidagi yillik minimal qiymat bilan solishtirganda, 0,5% yuqorilaganini ko‘rish mumkin. Biznes uchun kreditlar bo‘yicha o‘rtacha stavka 22,7% darajasida qolib, avgustdan buyon o‘zgarmagan.

Shuningdek, milliy valyutadagi jismoniy shaxslarning omonatlari bo‘yicha ko‘rsatkichlar ham o‘zgarmadi. Noyabr oyida bank omonatining o‘rtacha daromadliligi 22,1% ni tashkil etdi. Yuridik shaxslarning depozitlari bo‘yicha stavkalar 16,3% ga tushdi.

Bundan tashqari, firmalarning valyuta depozitlari bo‘yicha daromadliligi 1,5% ga oshdi va oy oxirida yillik maksimal qiymati 6,3% ni tashkil qilmoqda. Jismoniy shaxslarning valyuta omonatlari bo‘yicha foiz stavkalari biroz, yillik 4,8% dan 5% gacha oshdi.

Valyutadagi uzoq muddatli kreditlar 9,7% gacha arzonlashgan bo‘lsa, qisqa muddatli kreditlar esa 10,8% gacha qimmatlashdi. O‘rtacha qisqa muddatli valyuta kreditlari bo‘yicha stavkalar sentyabr oyida eng yuqori darajada edi.