O’zbekistonda kichik korxonalar soni qariyb 6%ga kamaydi
Ularning asosiy qismi Toshkentda joylashgan
![O’zbekistonda kichik korxonalar soni qariyb 6%ga kamaydi](https://kapital.uz/wp-content/uploads/2024/07/photo_2024-07-26_15-31-25.jpg)
Фото: Абдумавлон Мадмусаев / Kapital.uz
2024 yil 1 iyul holatiga ko’ra O’zbekistonda 387,1 mingta kichik biznes korxonasi faoliyat ko’rsatgan, bu o’tgan yilning shu davriga nisbatan 5,8%ga kam. Bu haqda statistika agentligi xabar bermoqda.
Ushbu korxonalarning aksariyati aniqrog’i 84,6 mingtasi Toshkentda joylashgan. Toshkent viloyatida — 34,8 ming korxona bilan ikkinchi, Samarqand viloyati esa — 34,3 ming korxona bilan kuchli uchlikni yakunlamoqda.
Savdoda 147,8 mingdan ortiq kichik korxona, sanoatda 61,3 ming, qishloq, o’rmon va baliq xo’jaligida 32,4 mingta korxona faoliyat ko’rsatmoqda.
Joriy yilning yanvar-iyun oylari davomida mamlakatda 41 mingta kichik korxona va mikrofirmalar tashkil etildi.
Moliya va biznes haqida ko'proq yangiliklar Telegram kanalda @KPTLUZ