«Kaspi» O’zbekiston bozoriga kirishni rejalashtirmoqda

Qozog’istonning «Kaspi FinTech» guruhi O’zbekiston bozoriga kirishni rejalashtirmoqda. Bu haqda kompaniya bosh direktori Mixail Lomtadze ma’lum qildi.

Uning ta’kidlashicha, kompaniya mobil aloqa, naqd pulsiz to’lovlarni amalga oshirish va elektron tijoratni rivojlantirish orqali boshqa bozorlarda o’z ishtirokini faol ravishda kengaytirmoqda. Lomtadze, shuningdek, Kaspi Osiyo, Sharqiy Evropa va O’zbekiston bozorlariga qiziqishini ta’kidlaydi.

Rejalashtirilgan kengayish «Kaspi»ga 100 mln foydalanuvchiga erishishga yordam beradi, chunki hozirgi vaqtda har oyda 15 mlnga yaqin kishi kompaniya xizmatlaridan foydalanadi.

Ma’lumot uchun, «Kaspi.kz» — «Kaspi Store», «Kaspi Bank», «Kaspi Pay» va «Kaspi Travel» kompaniyalarini birlashtirgan eng yirik Qozog’iston texnologik kompaniyasi.