Germaniya kansleri: JST o‘z vazifasini bajarishni to‘xtatdi
Fridrix Mers tashkilot amalda faoliyat yuritmasligi haqida aytdi va Yevropa Ittifoqi hamda AQSH bilan birgalikda yangi erkin savdo tizimini ilgari surishni taklif etdi
Germaniya kansleri Fridrix Mers Jahon savdo tashkiloti endi o‘z rolini bajarmayotgani va amalda faoliyat yuritmasligi haqida ma’lum qildi. Bu haqda RIA xabar berdi.
Berlindagi elchilar konferensiyasida so‘zga chiqqan Mers, Germaniya yevropalik hamkorlar bilan birgalikda, shu jumladan AQSH bilan muloqotda qoidalarga asoslangan erkin savdo tizimini ilgari surishga intilayotganini ta’kidladi. Uning fikricha, buning uchun “ijodkorlik va fidoyilik” talab etiladi.
Mersning aytishicha, jahon savdosining hozirgi tuzilmasi zamon talablariga javob bermaydi. U JSTning hozirgi ko‘rinishi yuzaga kelayotgan ziddiyat va mojarolarni hal qilishga qodir emasligini ta’kidladi. Fridrix Mersning bayonotlari JST rahbari Ngozi Okonjo-Ivealaning ogohlantirishlari fonida yangradi. Uning aytishicha, AQSH prezidenti Donald Tramp siyosati so‘nggi 80 yil ichidagi eng yirik qoidabuzarliklarga olib kelgan.
Ulashish:
Moliya va biznes haqida ko'proq yangiliklar Telegram kanalda @KPTLUZ
