O‘zbekiston Markaziy banki iyun oyida ham oltinning eng yirik xaridoriga aylandi

2025-yil iyun oyida O‘zbekiston Markaziy banki 9 tonna oltin xarid qilib, oyning eng yirik xaridori bo‘ldi. Bu haqda Jahon oltin kengashi (World Gold Council) ma’lum qilmoqda.

May oyida Markaziy bank 1 tonna, aprel va mart oylarida esa 11 tonnadan qimmatbaho metall sotgandi.

Zaxiralarning sezilarli darajada ko‘payishi Qozog‘iston (7 tonna), Turkiya, Chexiya va Xitoy (2 tonnadan) markaziy banklarida ham qayd etildi. Qirg‘iziston, Qatar va Filippin esa yana bir tonnadan sotib oldi.

Savdo hajmi bo‘yicha Singapur yetakchilik qildi, u zaxiralarini 5 tonnaga kamaytirdi. Ushbu mamlakat ketma-ket ikkinchi oy davomida sotilgan oltin hajmi bo‘yicha birinchi o‘rinni egallab kelmoqda.

Umuman olganda, iyun oyi yakunlariga ko‘ra, jahon markaziy banklari 22 tonna oltin sotib oldi. 2025-yilning birinchi yarim yilligida ularning sof xaridlari 123 tonnani tashkil etdi.