O‘zbekistonda avtomobil bozori rekord darajada o‘smoqda

2025-yil iyul oyida O‘zbekiston avtomobil bozorida savdolar sezilarli darajada oshgan, deb xabar bermoqda Iqtisodiy tadqiqotlar va islohotlar markazi.

Sotilgan avtotransport vositalari hajmi 116,8 ming dona bo‘lib, bu joriy yil iyun oyiga nisbatan 27% ga ko‘p va 2024-yil yanvaridan beri (144,5 ming dona) eng yuqori ko‘rsatkichdir. Bunday dinamika mavsumiy pasayish davridan keyin bozor faolligining tiklanishini ko‘rsatadi.

Yengil avtomobillar bozoridagi vaziyat

Yengil avtomobillarning umumiy savdosi deyarli 100 ming donani tashkil etdi, bu o‘tgan oyga nisbatan 25% ga ko‘p. Eng yuqori ijobiy dinamika Toshkent (o‘sish 51%), Namangan (49%) va Xorazm (40%) viloyatlarida qayd etildi.

Taqqoslash uchun, iyun oyida yengil avtomobillar savdosi hajmi 3% ga oshgan bo‘lsa, iyuldagi o‘sish sur’atlari sezilarli tezlashganini ko‘rsatmoqda.

Birlamchi avtomobil bozoridagi vaziyat

Iyul oyida yangi yengil avtomobillar segmentida faollik sezilarli oshdi. Yengil avtomobillar umumiy savdosi iyun oyiga nisbatan 38,2% ga ko‘payib, 38,4 ming dona bo‘ldi.

Mahalliy ishlab chiqarilgan yangi yengil avtomobillar yetakchi pozitsiyani saqlab qoldi va 38,6% o‘sish bilan 32,9 ming dona sotuv hajmiga erishdi.

Xorijda ishlab chiqarilgan yangi yengil avtomobillar savdosi ham ijobiy dinamikani ko‘rsatib, 5,4 ming donani tashkil etdi, bu iyun oyidagi ko‘rsatkichdan 35,8% ga yuqori.

Ikkilamchi avtomobil bozori nisbatan barqarorlikni ko‘rsatdi

Iyul oyida yengil avtomobillar bozorining ikkilamchi segmenti faollikning sezilarli oshishini ko‘rsatdi. Savdo hajmi 61,5 ming donani tashkil etdi, bu iyun oyiga nisbatan 18% ga ko‘pdir.

Taqqoslash uchun, iyun oyida savdo hajmi may oyiga nisbatan 0,4% ga kam bo‘lgan. Shu bois, iyul oyidagi keskin o‘sish ushbu segmentda umumiy faollashuvni aks ettiradi.

Elektromobillar bozoridagi vaziyat

Iyun oyida yengil elektromobillar savdosining o‘sish sur’ati may oyiga nisbatan 1,7% ga pasaygan bo‘lsa, iyul oyida bozor tez sur’atlarda o‘sishni ko‘rsatdi. Savdo hajmi rekord darajadagi 6,5 ming donani tashkil etdi, bu avvalgi oyga nisbatan 28,2% ga ko‘pdir.