Buyuk Britaniya kompaniyasi “Itransition” ulushlarini sotib olmoqchi

Raqobat qo‘mitasi Buyuk Britaniyaning “Itransition Holdco Limited” kompaniyasi “Itransition” MCHJning 100% ulushini sotib olish bo‘yicha arizasi ko‘rib chiqdi. Bu haqda qo’mita o’z rasmiy sahifasida ma’lum qildi.

Bayonotga ko’ra, “Itransition Holdco Limited” kompaniyalar guruhi va “Itransition” MCHJ axborot texnologiyalari va kompyuter dasturlashtirish faoliyatini amalga oshiruvchi tashkilot hisoblanadi.

Qo‘mitaning maxsus komissiyasi tomonidan o‘tkazilgan tahlil natijalariga ko‘ra, mazkur bitimlar bozorda raqobatga ta’sir ko‘rsatmasligi bo‘yicha xulosaga kelindi va arizani qanoatlantirish va bitimlarga rozilik berish haqida qaror qabul qilindi.