Chet ellik IT-gigantlar O‘zbekistonda yarim yilda 78 mlrd so‘mdan ortiq soliq to‘ladi

2025-yilning birinchi yarmida O‘zbekiston hududida elektron xizmatlar ko‘rsatgan 72 ta xorijiy kompaniya davlat byudjetiga 78,2 mlrd so‘m soliq to‘lagan. Bu 2024-yilning shu davriga nisbatan 42% ko‘p, deya xabar bermoqda Soliq qo‘mitasi.

Eng yirik soliq to‘lovchilar quyidagilar bo‘ldi:

• Meta — 22,6 mlrd so‘m;
• Apple — 22,1 mlrd so‘m;
• Google — 19,4 mlrd so‘m.

Uchala kompaniya birgalikda barcha soliqlarning yarmidan ko‘pini to‘lagan.

Yirik to‘lovchilar o‘ntaligiga yana quyidagilar kiritildi:

• OpenAI — 2,9 mlrd so‘m;
• Booking.com — 1,9 mlrd so‘m;
• TikTok — 1,8 mlrd so‘m;
• Netflix — 896,2 mln so‘m;
• ACCA — 797,1 mln so‘m;
• Zoom — 786,7 mln so‘m;
• Adobe — 530,8 mln so‘m.