Temir yo‘l transportida iste’molchilar uchun bepul xizmatlar ro‘yxati belgilandi

Temir yo’l transporti sohasida davlat tomonidan tartibga solinadigan va bozor tamoyillari asosida ko’rsatiladigan xizmatlar ro’yxati tasdiqlandi. Bu haqida Adliya vazirligi ma’lum qildi. 

Unga ko’ra, iste’molchilarga yo‘l davomida choy berish, telefon va noutbuklarni quvvatlash kabi xizmatlar bepul taqdim etiladi. 

Shuningdek, bu kabi xizmatlar ro’yxati quyidagicha:

• Aravacha taqdim etish xizmati;
• Chiptasi bo‘lgan yo‘lovchilarga hojatxonalardan foydalanish;
• Ona va bola xonasidan foydalanish;
• Kutish zalida Wi-Fi internet jahon axborot tarmog‘i xizmati;
• Tibbiy yordam punkti xizmatlari;
• Nogironlar uchun aravacha;
• Yo‘l davomida telefon va noutbuklarni quvvatlash xizmati;
• Kutubxona;
• Yo‘l davomida choy, ichimlik suvi, shakar (oq qand) taqdim etish.