O’zbekistonda 41% insonlar kelgusi yilda ish joyini o‘zgartirish istagida

O’zbekistonda 2025-yilda fuqarolarning 41%i ish joyini o’zgartirishni rejalashtirmoqda. Bu “HeadHunter” platformasining tahlillaridan ma’lum bo‘ldi.

Tahlilga ko’ra, transport va logistika( 62%), tibbiyot va farmatsevtika (60%) va ta’lim (58%) sohalarida ishlayotgan kishilar kasbini o’zgartirishga niyatida.

75% holatda kishilarning ish joyini o‘zgartirishiga ish haqining pastligi sabab sifatida ko’rsatilgan. Shuningdek, lavozimini ko‘tarish imkoniyatlari yo‘qligi — 43% va murakkab ish sharoitlari — 37% ni tashkil qilgan. 

Respondentlarning 15%i yaxshi sharoit izlab xorijga ko‘chib ketishni rejalashtirmoqda. Har besh fuqarodan biri IT sohasi bo‘yicha malaka oshirishni xohlaydi. Bu IT-mutaxassislariga bo‘lgan ichki talabning o‘sishi bilan bog‘liq.

18–24 yoshdagi respondentlarning 72% yangi imkoniyatlar izlamoqda. Bu ularning tajriba yetishmasligi sabab professional o‘sishda cheklovlarga duch kelishi bilan bog‘liq.