O’zbekistonda ipoteka stavkalari pasaydi

Bu Markaziy bank tomonidan asosiy stavkaning 13,5% gacha pasayishi bilan bog'liq

Фото: Абдумавлон Мадмусаев / Kapital.uz

26 iyuldan boshlab O’zbekistonda ipoteka kreditlari bo’yicha yillik foiz stavkasining pasayishi kuzatilmoqda, bu Markaziy bank tomonidan asosiy stavkaning 13,5% gacha pasayishi bilan bog’liq. Bu haqda regulyatorning matbuot xizmati xabar berdi.

«Ipoteka banki», «Asaka bank», «Xalkbank», «Mikrokreditbank», «Turonbank», «Agrobank», «Hamkorbank» va «Orient Finance bank» kabi banklarda yillik foiz stavkasi 17,5%ni tashkil etadi.

«O’zmilliybank» va «Alokabank» stavkalarni 17%-17,5% darajasida belgilagan, «O’zsanoatqurilishbank» esa 16,5% stavkani taklif qilgan.

Eslatib o’tamiz, O’zbekiston Markaziy banki asosiy stavkani 0,5 foiz punktga yillik 13,5%ga tushirdi.