O’zbekiston fuqarolari ID-karta orqali Qozog’iston va Tojikiston chegarasini kesib o’tishlari mumkin bo’ladi

Bu yaxshi qo‘shnichilik munosabatlarini mustahkamlashga xizmat qiladi

Фото: Пресс-служба президента

O’zbekiston fuqarolari Qozog‘iston va Tojikistonga sayohat qilishlari uchun ID kartalaridan foydalanish tartibini joriy etish rejalashtirilmoqda. Bu haqda prezident matbuot xizmati xabar berdi.

Bunga mos ravishda Qozog‘iston va Tojikiston fuqarolari ham ID karta orqali O’zbekistonga sayohat qilishlari mumkin bo’ladi.

Bu Markaziy Osiyo davlatlari o‘rtasida yaxshi qo‘shnichilik munosabatlarini yanada mustahkamlash, mintaqaviy xavfsizlik va barqarorlikni ta’minlashga xizmat qiladi.

Bundan oldinroq, O’zbekiston va Qirg’iziston aholisi o’zlarining ID kartalaridan sayohat qilish tartibi joriy etilgandi.