Sud Humans kompaniyasini “Octobank” oldidagi qarzni to‘lashga majbur qildi

2025 yil 13 iyun kuni Toshkent tumanlararo iqtisodiy sudi “Octobank” va Humans o‘rtasidagi ish bo‘yicha hal qiluv qarori e’lon qildi. Sud hujjatiga muvofiq, Humans kompaniyasi bank oldidagi qarzdorlikni qoplash majburiyatini oladi.

Bundan avval “Octobank” 13 iyun kuni soat 18:00 dan boshlab Humans (Visa) kobrending kartalariga xizmat ko‘rsatish to‘xtatilganini ma’lum qilgan edi. Bank Humans kompaniyasi kelishuv shartlarini buzgani va qo‘shma moliyaviy servis doirasida hisob-kitoblar bo‘yicha qarzni to‘lamaganini iddao qilgan. Sud jarayonida tilga olingan umumiy da’vo summasi 500 mlrd so‘mdan ortiq bo‘lgan.

Shu bilan birga, Humans kompaniyasi da’voni ma’muriy deb baholagan va Octobank hamda regulyatorning harakatlarini biznesga bosim sifatida ta’riflagan. Kompaniya avvalroq 403,7 mlrd so‘mni qaytarish talabini o‘z ichiga olgan qarshi da’vo arizasi taqdim etish niyati borligini bildirgan, shuningdek, Bosh prokuraturaga murojaat qilgan.

Nizo xalqaro darajadagi tortishuv fonida rivojlanmoqda: 2025 yil may oyida Singapurda ro‘yxatdan o‘tgan Humans Mobile Ltd. “Investisiya nizolarini hal qilish xalqaro markazi”(ICSID)ga O‘zbekiston Respublikasiga qarshi da’vo arizasi taqdim etgan. Kompaniya davlat organlarini investisiya kelishuvini buzganlikda ayblamoqda. Delo ARB/25/24 raqami bilan ro‘yxatga olingan va ko‘rib chiqishga tayyorgarlik bosqichida.