“Kaspi” kompaniyasi “Hepsiburada”ning aksiyalarini sotib oldi

Bitimning narxi taxminan $1,13 mlrdni tashkil qiladi

Qozog’istonning “Kaspi” kompaniyasi Turkiyaning “Hepsiburada” aksiyalarining taxminan 65%ini sotib olish bo‘yicha shartnoma imzoladi. 

Bitimning narxi taxminan $1,13 mlrdni tashkil qiladi. 

“Hepsiburada” NASDAQ ro‘yxatiga kiritilgan yirik turk bozorlaridan biri bo’lib, unga 2000-yilda Hanzade Dogan tomonidan asos solingan va Turkiyadagi yetakchi elektron tijorat platformalaridan biridir. Kompaniya mijozlarga xizmat ko’rsatish, texnologiya, logistika va turli toifadagi mahsulotlarning keng assortimentiga e’tibor qaratgan holda o’smoqda.

2023-yilda 12 mlnga yaqin mijoz va 101 ming hamkor doʻkon kompaniya xizmatlaridan foydalangan. Ushbu platforma orqali sotilgan tovarlarning umumiy qiymati 2023-yilda taxminan $4 mlrdni tashkil etgan.

Turkiyadan zarur tartibga soluvchi ruxsatnomalar olingan va zarur huquqiy tartib-qoidalar bajarilgan taqdirda bitim 2025-yilning birinchi choragida yopilishi kutilmoqda.