Odil Po‘latov «Hayot Bank» boshqaruvi raisi etib tayinlandi

Odil Po‘latov «Hayot bank» boshqaruvi raisi lavozimiga tasdiqlandi. Bu haqda «Banker.uz» xabar berdi.

2023 yilning may oyidan buyon Odil Po‘latov mazkur bankning boshqaruv raisi o‘rinbosari lavozimida ishlab kelgan. Shu bilan birga u 2020-2022 yillarda «Anor bank» Chakana biznes departamenti direktori sifatida faoliyat yuritgan.

Bundan tashqari, Odil Po‘latov 2011-2020 yillarda «Kapitalbank» ATB tizimida turli lavozimlarda, xususan, departament direktori hamda filial boshqaruvchisi lavozimlarida ishlagan.