O’zbekiston Rossiyadan gaz sotib olishni ko’paytirish uchun $470 mln sarflashni rejalashtirmoqda

«O’ztransgaz» kompaniyasi Rossiyadan gaz importini ko’paytirish maqsadida asosiy gaz quvurlarini modernizatsiya qilishni rejalashtirmoqda. Bu haqda Vazirlar Mahkamasining investitsiya dasturidan ma’lum qildi.

Dastur doirasida «O’ztransgaz» joriy yil uchun ustuvor investitsiya loyihalari ro’yxatiga kiritilgan. Bunday loyihalardan biri Rossiyadan Shimoliy yo’nalishda tabiiy gaz importini ko’paytirish maqsadida magistral gaz quvuri tizimini modernizatsiya qilishdir.

Ushbu dastlabki loyiha $470 mlnga baholanmoqda va uni 2024 yildan 2030 yilgacha amalga oshirish rejalashtirilgan. Loyihani moliyalashtirish xorijiy banklarning qarz mablag’lari hisobidan amalga oshiriladi.