O‘zbekistonda 2024-yilda ilk marta elektr va gibrid avtomobillar importi benzinli avtomobillardan oshib ketdi

Bojxona qo‘mitasi ma’lumotlariga ko‘ra, 2024-yilda mamlakatga 80 mingdan ortiq yengil avtomobil import qilingan bo‘lib, ularning umumiy qiymati $1,27 mlrdni tashkil etgan. Asosiy eksport qiluvchi mamlakat — Xitoy. 

Benzinli avtomobillarning importi esa 32,98 ming donaga yetdi, bu 2023-yilga nisbatan 40%ga kamaygan. Shuningdek, xorijiy avtomobillarning o‘rtacha narxi $21,47 ming gacha tushgan.

Elektr avtomobillarining importi esa 16 mingdan 24 ming donagacha ko‘paygan, lekin umumiy qiymati 48,2%ga pasayib, $224,8 mln bo‘lgan. O‘rtacha narxi esa $9,33 minggacha arzonlashgan. 

Gibrid mashinalar importi 42%ga o‘sib, 17,48 ming donaga yetdi. Ularning umumiy qiymati $339,3 mln, o‘rtacha narxi esa $19,41 minggacha pasaygan.

2024-yil yakuniga ko‘ra, benzinli avtomobillarning importdagi ulushi 64,4%dan 44,2%gacha tushgan, elektr mashinalar 20%dan 32,3%gacha, gibridlar esa 15,3%dan 23,4%gacha ko‘tarilgan.

Bundan tashqari, 22 dona dizel avtomobil olib kelingan, bu oldingi yillarga qaraganda deyarli 7 barobar kam. Shu bilan birga, ularning umumiy import qiymati 45,9%ga oshib, $5 mln dan oshgan.