O’zbekistonda elektr energiyasi iste’moli bo’yicha cheklovlar bekor qilindi

O’zbekiston elektr stansiyalari 10 mart kuni 238,9 million kilovatt-soat energiya ishlab chiqardi. Bu haqda energetika vazirligi matbuot kotibi Hasan Toshxo’jayev ma’lum qildi.

Buning uchun 48,2 mln m³ gaz, 16,8 ming tonna ko’mir va 4 ming tonna mazut ishlatilgan. Gaz quvurlaridagi bosimning pasayishi IES’da elektr energiyasini ishlab chiqarishda gazning ulushini oshirdi.

Turkmanistondan elektr energiya importi 15,6 mln kVt / soatni tashkil etdi. Abonentlar 223,4 mln kVt/soatni olishdi, bu rejadan 8% ga ko’p.

Tabiiy gazning normal bosimining tiklanishi 17 fevraldan boshlab elektr ta’minoti tizimida joriy etilgan cheklovlarning bekor qilinishiga olib keldi. 8 martdan boshlab elektr energiyasini yetkazib berish bo’yicha ushbu cheklovlar olib tashlandi.