DABA tomonidan ikkita don korxonasi qariyb 58 mlrd so’mga sotildi

Davlat aktivlarini boshqarish agentligi tomonidan kimoshdi savdosiga qo’yilgan don korxonalarining davlat ulushlari savdosining ikkinchi bosqichini yakunlandi.

G‘allakorlik korxonalaridagi ikkita davlat ulushi asosiy faoliyat turini kamida 5 yil davomida saqlab turish, don saqlash omborlarining sig‘imini kamaytirmaslik va qonun hujjatlariga muvofiq davlat zahirasida g‘alla hajmini saqlab qolish sharti bilan sotilgan. 

Shuningdek, “Sherbek kelajagi” kompaniyasi “Qiziltepa un zavodi” aksiyadorlik jamiyatining 93,5%ini 17,4 mlrd so‘mga sotib oldi. Xujabekov Shavkat Jumanovich “Jizzax don maxsulotlari” aksiyadorlik jamiyatining 94,4% aksiyasini 40,8mlrd so‘mga sotib oladi. 

Ayni paytda aksiyadorlarga “O‘zdonmahsulotlari” aksiyadorlik jamiyatining to‘rtta sobiq bo‘linmasi aksiyalari taklif etilmoqda. 

Bular “Kogondonmahsulotlari” aksiyadorlik jamiyatining 93%i, “Quva don mahsulotlari” aksiyadorlik jamiyatining 51%i, “Xonqa don mahsulotlari” aksiyadorlik jamiyatining 67,5%i va “Xorazmdonmahsulotlari”ning 92,2%.