O’zbekistonda davlat xaridlari ikki bosqichda amalga oshiriladi

Davlat xaridlari tizimini takomillashtirishga qaratilgan qonun imzolandi. O‘zgartirishlarga ko‘ra, endilikda xaridlar texnik jihatdan murakkab bo‘lgan tovarlar, ishlar va xizmatlar uchun ikki bosqichda amalga oshiriladi.

Unga ko’ra, xarid qilish tartib-taomillarining yangi turlari, jumladan, soddalashtirilgan kam byudjetli xaridlar va ikki bosqichli tartib-qoidalar joriy etildi.

Bunda, barqarorlik tamoyili, ixtisoslashgan organ orqali markazlashtirilgan xaridlar va 1 yildan 3 yilgacha muddatga tuziladigan shartnomalar joriy etildi. Murojaatlarni ko‘rib chiqishda manfaatlar to‘qnashuvining oldini olish chora-tadbirlari aniqlandi.

Shuningdek, ikki bosqichli davlat xaridlari ikki bosqichda amalga oshiriladigan murakkab tovarlar va xizmatlar uchun mo’ljallangan. Vazirlar Mahkamasi tomonidan belgilanadigan markazlashgan organ orqali bir nechta xaridorlar bir turdagi tovarlarni birgalikda xarid qilishlari mumkin bo‘ladi.

Qiymati 50 BRV dan oshmaydigan xaridlar uchun (byudjet mijozlari uchun 25 BRV) jarayon ochiq manbalardan narxlarni taqqoslash yoki kamida uchta yetkazib beruvchining so‘rovlari asosida g‘olibni aniqlash, komissiyasiz amalga oshirilishi mumkin.