DABA “Humson” sanatoriyasi va “Olmos” dam olish maskanida davlat ulushini xususiylashtirish bo’yicha maslahatchi qidirmoqda

Davlat aktivlarini boshqarish agentligi (DABA) “Humson” sanatoriyasi va “Olmos” dam olish maskanidagi 100% ulushini xususiylashtirish bo’yicha konsalting kompaniyasini qidirmoqda. Bu haqda agentlik matbuot xizmati xabar bermoqda.  

Dam olish maskanlari Toshkent viloyatining Bo’stonliq tumanida, dengiz sathidan ming metr balandlikda, Toshkentdan 80 km shimoli-sharqda joylashgan Ugam tog’ tizimining yonbag’irlarida joylashgan. 

Maslahatchi eng yaxshi xorijiy tajribaga asoslanib, dam olish joylarining sanoat va individual xususiyatlarini hisobga olgan holda savdo jarayonini boshqarishi kerak. 

Shuningdek, u dunyoning yetakchi biznes nashrlari orqali xalqaro marketing kampaniyalarini tashkil qilishi va kurort va sog’lomlashtirish majmualarini boshqarish va rivojlantirish uchun potentsial investorlarni jalb qilishi shart.

Jarayonda alohida kompaniyalar ham, konsortsiumlar ham ishtirok etishlari mumkin (bosh maslahatchi ko’rsatilgan holda). Xususiylashtirish sohasidagi tajriba va yuzaga kelishi mumkin bo’lgan manfaatlar to’qnashuvi to’g’risidagi ma’lumotlarni taqdim etish talab qilinadi.

Arizalar taklif so’roviga muvofiq tender@davaktiv.uz elektron pochta manzili bo’yicha 29 avgust Toshkent vaqti bilan soat 18:00 ga qadar qabul qilinadi