DABA beshta don korxonasidagi ulushlarni 173 mlrd so’mga sotdi

DABA davlat tomonidan don korxonalarida va ularning filiallarining mulkiy majmualarida ommaviy savdoga qo’yilgan ulushlar bo’yicha savdolarning ikkinchi bosqichi yakunlangani haqida xabar berdi.

Don korxonalarida davlat aksiyalarining beshta paketi quyidagi shartlar bilan sotilgan: aktivning asosiy faoliyatini kamida besh yil davomida saqlab qolish, don omborlari quvvatini kamaytirmaslik, qonun hujjatlariga muvofiq davlat zaxirasida don hajmini saqlab qolish. Buning evaziga xaridorlar shartnomalar asosida to’lovlarni to’laydilar.

«Baraka Quva Un» kompaniyasi «Asaka don maxsulotlari» aksiyalarining 65,8%ni 42 mlrd so’mga sotib oladi. «Premium Globe Investment» firmasi «Jomboy don maxsulotlari» aksiyalarining 57,4%ni 42 mlrd so’mga sotib oladi. «Zebo Komiljon» oilaviy korxonasi «Bogot don maxsulotlari» aksiyalarining 65,5%ni 18,5 mlrd so’mga oladi.

Qolgan ikkita lotni xususiy shaxslar sotib olishdi: Ulug’bek Ismoilov «Uchqurg’on don maxsulotlari» aksiyalarining 79,3%ni 42 mlrd so’mga, Farhod Qodirqulov esa «Zarbdor elevatori» aksiyalarining 94,8%ni 29 mlrd so’mga sotib oldi.

«Samarqand don maxsulotlari» AJning «Nurobod don» filiali takroriy savdolarga qo’yiladi. «Xorazm don maxsulotlari» aksiyalarining 92,2% klasterlarga to’g’ridan-to’g’ri sotish uchun taklif etiladi.