XMK «Coca-Cola»ni Markaziy Osiyo, Iroq va Turkiyada kengaytirish uchun $250 mln ajratadi

Xalqaro moliya korporatsiyasi (XMK) Turkiyaning «Coca-Cola İçecek A.Ş.» (CCI) kompaniyasiga $250 mln beradi va shu jumladan uning O’zbekiston, Tojikiston va Iroqdagi korxonalariga ham. Bu haqda XMK rasmiy veb-saytida xabar berilgan.

Mablag’lar energiya va suv sarfini kamaytirish va yopiq siklni yaxshilash kabi barqaror ishlab chiqarish jarayonlarini amalga oshirishga yo’naltiriladi. XMK, shuningdek, CCI’ning ishchi kuchi, boshqaruv va direktorlar kengashidagi gender tafovutini kamaytirishga qaratilgan sa’y-harakatlarini qo’llab-quvvatlaydi.

CCI investitsiyalari to’rt mamlakatda katta miqdordagi ish o’rinlarini yaratishi kutilmoqda. Moliyalashtirishning 60% PET’ni qayta ishlash loyihalari, energiya tejaydigan uskunalar, qayta tiklanadigan energiya va suvni tejashga sarflanadi. Qo’shimcha maqsad — 2030 yilga kelib yangi ishchilar orasida ayollar ulushini 35% gacha, yetakchilik darajasida esa 40% gacha oshirish.

CCI Turkiya, Pokiston, Qozog’iston, Iroq, O’zbekiston, Bangladesh, Ozarbayjon, Qirg’iziston, Iordaniya, Tojikiston, Turkmaniston va Suriyada ichimliklar ishlab chiqaradigan xalqaro kompaniya. U «The Coca-Cola Company» va «Monster Energy» brendlarining ichimliklarini, shuningdek, «Anadolu Etap Içecek» korxonasi orqali meva sharbatlarini ishlab chiqaradi, tarqatadi va sotadi.