UzAuto Motors 25 mingta «Chevrolet Cobalt» avtomobillariga shartnomalar tuzishni boshlaydi

21-iyun kuni soat 10:00 da UzAuto Motors 25 ming «Chevrolet Cobalt» avtomobillariga onlayn buyurtmalarni qabul qila boshlaydi, deya xabar beradi kompaniya matbuot xizmati.

Avtomobillarni sotib olish uchun shartnoma faqat  savdo.uzavtosanoat.uz sayti orqali onlayn tarzda tuzilishi mumkin.

Telegram-bot va UzAvtosavdo ilovasi faqat navbatning holati va avtomobillarning mavjudligi haqida ma’lumot beradi.

Tuzilgan shartnomalar bo’yicha to’lov 7 kalendar kun ichida amalga oshirilishi kerak. Aks holda, shartnoma bekor qilinadi va avtomobillar yana sotuvga qo’yiladi. UzAuto Motors avtomobil ixlosmandlarini tuzilgan shartnomalarni o’z vaqtida to’lashga chaqirmoqda.