O‘zbekistonda “chiroyli” avtoraqam 600 mln so‘mdan ortiqqa sotildi

1-avgust kuni O‘zbekistonda onlayn kimoshdi savdosi orqali 615 ta avtoraqam sotildi. Bu haqda tovar-xomashyo birjasi ma’lumotlaridan ma’lum bo‘ldi.

Sotilgan raqamlarning 574 tasini jismoniy shaxslar, qolgan 41 tasini esa yuridik shaxslar sotib oldi.

Eng yuqori narx “chiroyli” raqam uchun to‘landi — 600,8 mln so‘m. Eng arzon raqam esa 1,9 mln so‘mga sotildi.

1-iyul holatiga ko‘ra, O‘zbekiston onlayn kimoshdi savdosi orqali 771 ta avtomobil raqamini sotgan edi. Sotilgan raqamlarning 755 tasini jismoniy shaxslar, 16 tasini esa yuridik shaxslar xarid qilgan. Raqamning eng yuqori narxi 803,3 mln so‘mga baholangan. Minimal sotuv narxi 1,9 mln so‘mni tashkil etgan.